HARAGIRIMANA Dieudonne
Umuhanzi The Ben yahishuye ko guhera mu ijoro ry’itariki 08 Ukuboza 2023, yatangiye amasengesho yihariye yo kwiyiriza asengera ubukwe bwe na Pamella buzaba mu Cyumweru gitaha.
Ibi The Ben yabivuze mu kiganiro ‘Breakfast with the Star’ kuri KISS FM.
Uyu muhanzi kandi yavuze ko yifuzaga gushaka umugore utazwi mu bijyanye n’imyidagaduro gusa yaje kwisanga Pamella ari we wamutwaye umutima.
Ati “Numvanga nzashaka umuntu utazwi mu myidagaduro. Twese tuba dufite ibyifuzo ariko Imana iratangaje.
Pamela afite ukuntu akunditse kuko yarankuruye ndatwarwa wese”.
Tariki 15 Ukuboza 2023 nibwo The Ben azasaba akanakwa Pamella mu birori bizabera mu ihema riri ku Intare Conference Arena mu gihe tariki 23 Ukuboza 2023 muri Kigali Convention Centre, bazasezerana imbere y’Imana banakire abashyitsi.
