Grand P yateye imitoma itangaje umukobwa w’ikizungerezi bakundana wasajije abagabo muri Afurika

Umugabo wamenyekanye cyane ku mazina ya Grand P, yafashe umwanya ashimira umukunzi we cyane amwita umwamikazi.

Mu butumwa yanyujije kuri Facebok, uyu mugabo w’icyamamare Moussa Sandiana Kaba, wamamaye nka Grand P, yise umukunzi we umwamikazi, agaragaza ko amushimira kuri buri kimwe.

Mu magambo ye yanditse ati: “Nta kindi kintu cyiza nabonye nko kumenyekana, warakoze mwamikazi wanjye Yao Eudoxie. Warakoze ku bwa buri kimwe wankoreye kandi ukomeza kunkorera. Ibyishimo, umunezero ndetse no kwiyumva mu bandi wampaye.

Warakoze ku bwo kumpa urukundo rwawe, ku buryo rwose rwagumye kuri njye, warakoze cyane. Warakoze ku bwo kunkomeza muri byose mukunzi”.

Nyuma yo gushimira byimazeyo uwo bakundana, umukunzi we nawe ntabwo yazuyaje yahise amusubiza abinyujije aho batangira ibitekerezo ati: ”Mon bb d’amour y’a pas 2 love” [Nawe yamwise urukundo rwe, maze abantu bamwe barabashima, abandi bavuga ko badakundana, bita Grand P umuhungu wa Yao.

Uyu mugabo akenshi yagiye agaragaza urukundo afitiye uyu mukunzi we bikarya abatabyumva mu matwi, bavuga ko yishuka bitewe n’ingaragaro ye.

Tubitutse ko aba bombi bagaragarizanyije urukundo mu myaka micye itambutse, kuva icyo gihe ntibahwema kwereka isi ko bakundana koko. Uyu mugabo Grand P, yagiye akoresha amahirwe ye yose yabonye maze akereka uyu mugore ko ari rwo rukundo rwe nawe akamusubiza atazuyaje, bombi bakica amatwi ku byo rubanda ruvugira inyuma yabo.