Gicumbi:Umusore yibye moto agiye kuyishakira umukiriya mu isoko ahurirayo n’uruva gusenya

Alex Ndayisenga, avuga ko uwari wibwe iyi moto yatanze amakuru kuri Polisi, ihita itangira igikorwa cyo kuyishakisha.

Ngo kugirango ano makuru amenyekane hari umuturage watanze amakuru wo mu Mudugudu wa Gitaba, ko hari moto bicyekwa ko yibwe yari irimo gushakirwa isoko.

Ubwo nibwo Polisi yihutiye kugera muri uwo Mudugudu,  ifata moto ifata n’abagabo babiri ari bo Hagenimana na Tuyizere bari barimo kuyishakira umukiriya.

Aba bagabo babiri bafatiwe muri uyu Mudugudu wa Gitaba uherereye mu Kagari ka Gisiza mu Murenge wa Rukomo, bahise batabwa muri yombi bashyikirizwa Urwego rw’igihugu rw’ ubugenzacyaha (RIB) rukorera kuri sitasiyo ya Byumba kugira ngo iperereza rikomeze.

Ubuyobozi bwa polisi bwashimiye uwatanze amakuru kuri iyi moto yibwe, kuko byatumye ifatwa ndetse n’abakekwaho gukora ubu bujura bagatabwa muri yombi.