THIERRY Mugiraneza
Gian Infantino umutariyani uyobora impuzamashyirahamwe y’umupira w’amaguru ku isi (FIFA) yongeye kwerekana ko ashyigikiye siporo nyarwanda ndetse na Perezida wa FERWAFA bwana Olivier Nizeyimana Mugabo.
Uyu munsi Infantino uyobora FIFA yageneye ubutumwa bwihariye bwifuriza isabukuru nziza y’imyaka 50 y’amavuko Nizeyimana Mugabo Olivier uyobora FERWAFA yagize.
Ni ibaruwa Infantino yanditse irimo amagambo ahamya ko ashyigikiye Olivier uyobora FERWAFA
Infantino yagize ati ” Byiza cyane ku isabukuru yawe y’imyaka50. Uyu ni umunsi udasanzwe kuri wowe ukuzanira ibyishimo , ubuzima no gutsinda.”
Infantino yakomeje yifuriza Olivier umunsi mwiza hamwe nabo akunda kandi yizera ko bazafantanya mu gukorera hamwe mu guteza imbere umupira w’amaguru, umukino Infantino ahamya ko uhuza abantu.
Gianni Infantino watorewe kuyobora FIFA muri 2016 ategerejwe i Kigali muri uyu mwaka mu nama karundura ya FIfa ashobora no kuzongera agatorerwamo indi manda.
