Gatsibo! Umugabo yagiye gutwara matera ye mu rugo atari akibamo ni uko umugore we utwite arayimwima ni uko maze nyamugabo ahita umucyeba ku nda akoresheje urwembe

Gatsibo! Umugabo yagiye gutwara matera ye mu rugo atari akibamo ni uko umugore we utwite arayimwima ni uko maze nyamugabo ahita umucyeba ku nda akoresheje urwembe.

Mu Murenge wa Kabarore mu Karere ka Gatsibo, haravugwa inkuru y’umugabo wakebye umugore we ku nda yirengagije ko atwite.

Ibi byabereye mu Gasantere ka Kabarore ku wa Kabiri tariki ya 29 Kanama 2023.

Uyu mugore wakebwe ku nda yabwiye BTN ko umugabo we yari amaze iminsi yaramutaye ndetse yamukebye kubera ko yanze ko atwara matela yari mu nzu atuyemo we n’umukobwa we w’imfura utari uw’uwo mugabo.

Avuga ko nyuma yo kubwira uwo mugabo ko nta gikoresho na kimwe ari busohore mu nzu yahise arya karungu afata urwembe atangira kurumukebesha.

Akomeza avuga ko nyuma yo kumukeba yahise afata urwo rwembe arukebesha n’umukobwa we w’imfura w’imyaka 13 wari ugiye kubakiza

Abaturage bo muri aka gace bagaye ibyo uyu mugabo yakoze basaba inzego zibishinzwe kumuha igihano kimukwiriye.

Umunyambanga Nshingwabikorwa w’Umurenge wa Kabarore, Rugaravu Jean Claude, yavuze ko bakimenya iki kibazo bahise batabara.

Uyu mugabo yamaze gutabwa muri yombi.

Kuri ubu uyu mugore n’umwana we bahise boherezwa ku Kigo Nderabuzima kugira ngo bitabweho.