Gasogi United yihumurije umwanya wa mbere, Rayon na Kiyovu zikina ububyara! Ibyaranze umunsi wa 18 wa shampiyona y’u Rwanda

Mu mpera z’icyi cyumweru dushoje , kuva kuwa gatanu kugeza ku cyumweru mu masitade atandukanye yo mu Rwanda hakinwaga imikino y’umunsi wa 18 ya shampiyona y’ikiciro cya mbere mu Rwanda. Iyo mikino yagiye ibamo byinshi bitunguranye ndetse n’ibindi.
Muri iyi nkuru tugiye kugaruka kuri bimwe mu byaranze umunsi wa 18 wa shampiyona y’ikiciro cya mbere.

Umunsi wa 18 watangiye kuwa gatanu ikipe ya Gorilla Football Club ikina na Gasogi United. Muri uyu mukino Gasogi yaturutse inyuma itsinda Gorilla FC ibitego bibiri kuri kimwe. Insinzi ya Gasogi yatumye kuwa gatanu irara iyoboye urutonde.
Imikino yabaye kuwa gatandatu:
. As Kigali yatsinzwe na Police FC ibitego bibiri kuri kimwe.
.Rutsiro Football Club inganya na Mukura VSL igitego kimwe kuri kimwe.
. APR FC isanga Sun Rise kuri sitade yiswe Gorogota , APR FC ihatsindira igitego kimwe ku busa cyatumye ihita yisubiza umwanya wa mbere.
Imikino yakinwe ku cyumweru:
. Mu mukino wahuje abakeba babiri mu mupira w’amaguru w’u Rwanda, Kiyovu Sports yanganyije na Rayon Sport ubusa ku busa.
. Espoir Football Club inganya na Bugesera igitego kimwe kuri kimwe.
. Musanze yanganyije na Entincelles ubusa ku busa.
. Kera kabaye Marines Football Club yatsinze Rwamagana ibitego bitatu kuri bibiri.
Muri make umunsi wa 18 habonetsemo intsinzi 4 no kunganya inshuro 4.Habonetsemo ibitego 16 mu mikino 8.

Urutonde rwa shampiyona ku munsi wa 18:
1. APR FC n’amanota 37
2. Gasogi United n’amanota 35
3. As Kigali n’amanota 33
4. Rayon Sports n’amanota 33
5. Kiyovu Sport n’amanota 32

15. Espoir Football Club n’amanota 11
16. Marine Football Club 10.
Abamaze gutsinda ibitego byinshi kugeza ubu:
Shaban Hussein wa AS Kigali amaze gutsinda ibitego 12.
Yafes Mubiru wa Sun Rise amaze gutsinda ibitego 10.
Sumaila Moro wa Entincelles amaze gutsinda ibitego 9.
Maxwell wa Gasogi United amaze gutsinda ibitego 7.
Theodore Malipangou wa Gasogi United amaze gutsinda ibitego 7.

Imwe mu mikino izakinwa ku munsi wa 19 wa shampiyona:
Gasogi vs Rutsiro
Gorilla vs AS Kigali
Police vs Mukura
Rwamagana vs Kiyovu
APR FC vs Rayon Sports.