HARAGIRIMANA Dieudonne
Mu ijoro ryakeye nibwo umusore w’umumya-Cameroon Simo Kayo Joli Steve yaraye ageze mu Rwanda ,aho aje mu biganiro n’ikipe ya Gasogi Utd.
Uyu mukinnyi usanzwe ukina asatira ,yakiniraga ikipe y’iwabo yitwa Colombe , akaba aje abisikana na Augustine Henneh utarigeze agaragaza urwego rwiza rw’imikinire ubwo yari mu myitozo yari amaze igihe akorera muri iyi kipe.
Bivuze ko igihe ibiganiro byagenda neza ku mpande zombi uyu musore Joli ashobora guhita agirana amasezerano na Gasogi.
Augustine Henneh wabisikanye na Joli ni umunya-Ghana yari yageze mu Rwanda ku itariki 14 Mutarama 2023 , yagombaga kugirana amasezerano na Gasogi y’amezi 6 akinira iy’ikipe ,nkuko ikinyamakuru Sports World Ghana kibivuga.
