Geovanis
Impaka ni zose mu bantu batandukanye no ku mbuga nkoranyambaga nyuma yuko Niwemubyeyi Noella uzwi nka Fofo arushinze n’umusore witwa Daniel Niyigena nyamara byagiye benshi bari biteze umusore w’umuhanzi uba muri America.
Mu ntangiriro z’umwaka wa 2021 nibwo mu bitangazamakuru bitandukanye hatangiye gusakara inkuru yuko Fofo wamamaye muri filime ya ‘Papa Sava’ ari mu rukundo n’umusore witwa Paterne HP uba muri Leta Zunze Ubumwe za America akaba ari n’umuhanzi.
Kuva ubwo aba bomdi batangiye kujya bagaragarizanya amarangamutima ku mbuga nkoranyambaga ari nako batasibaga guterana imitoma nk’abantu bari mu rukundo.
Uyu musore Paterne HP ubusanzwe n’Umurundi ariko ufite inkomoko muri Tanzania akaba atuye muri Leta Zunze Ubumwe z’Amerika akaba ari naho akorera muzika, anyuzamo akagaruka no ku ivuko.
Muri Mata 2021 uyu mukobwa yafashe urugendo yerekeza muri Tanzania bitangazwa ko yagiye muri gahunda zo gushyigikira uyu mukunzi we bakamenyekanisha indirimbo ze nshya.
Mu ntangiriro za 2022 nibwo byatangiye kuvugwa ko uyu mukobwa agiye kurushinga n’uyu Paterne HP.
Kuri iki Cyumweru tariki ya 2 Ukwakira 2022 ku munsi nyirizina w’ubukwe wageze benshi bakizi ko umukwe ari Paterne HP ariko batungurwa no gusanga atari we ahubwo ari uwitwa Daniel. Kugeza n’ubu hari n’abataramenya ko Fofo yarushinze na Daniel atari Paterne HP.
Amakuru BTN icyesha umwe mubo mu muryango w’uyu mukobwa avuga Fofo na Daniel bamaze imyaka isaga itandatu bakundana, ibyo kuvuga ko akundana n’umuhanzi Paterne HP yabikoraga nk’akazi kugirango amenyekanishe uyu muhanzi mu Rwanda ndetse no mu Burundi ariko ntakindi cyari hagati yabo.
Uyu muntu utashatse ko amazina ye atangazwa yakomeje avuga ko mbere yuko Fofo atangaza ibyo gukundana na Paterne
HP yari yabanje kubyumvikanaho n’uyu Daniel, babonye bifashe bahitamo kubireka gutyo kugirango bayobye itangazamakuru ridatangira kugaruka kuri Daniel cyane.
Ubusanzwe Daniel Niyigena warushinze na Fofo n’umusore w’Umunyarwanda usanzwe uba i Kigali, akorera umuryango utegamiye kuri Leta witwa Save the Children International.
