Fireman yahishuye ko umugore we atamufana ariko amushyigikira mu rugendo rwe rwa muzika

Umuraperi Fireman, uzwi cyane mu njyana ya Hip Hop mu Rwanda, yatangaje ko umugore we, Kabera Charlotte, adafite we mu bahanzi akunda cyane, ariko agahora amuba hafi mu rugendo rwe rwa muzika.

Ibi yabigarutseho mu kiganiro yagiranye na Radiyo Rwanda, aho yashimiye cyane abantu bamushyigikira mu buryo bukomeye.

Nubwo umugore we afana abandi bahanzi, Fireman yemeza ko ari umwe mu bo ashingiraho kugira ngo umuziki we ukomeze gutera imbere. Yavuze kandi ko ikinyabupfura, impano, gukora cyane no gusenga ari byo byamufashije kugera ku rwego ariho ubu.