THIERRY Mugiraneza
Impuzamashyirahamwe y’umupira w’amaguru ku Isi (FIFA) yatangaje ko yambuye igihugu cya Indonesia kuzakira Igikombe cy’Isi cy’abatarengeje imyaka 20 cyarikuzaba uyu mwaka.
Mu gihugu cya Indonesia hamaze igihe imyigaragambyo ikomeye y’abaturage bamagana ko abakinnyi b’ikipe y’igihugu ya Israel bazakandagira ku butaka bwabo baje gukina. Abaturage badashaka ko abakinnyi b’ikipe y’igihugu ya Israel bazagera muri Indonesia ni abaturage bo mu gace ka Hindu na Dali.
Ibi byatumye FIFA ifata umwanzuro wo kwaka uburenganzira Indonesia bwo kuzakira icyo gikombe cy Isi cyari giteganyijwe kuba ku itariki 20 z’ukwa Gatanu kugeza ku itariki 11 mu kwa Gatandatu.
Mu itangazo FIFA yashyize hanze yavuze ko kubera ibiri kuba ifashe umwanzuro wo kwaka uburenganzira Indonesia kuzakira Igikombe cy’Isi cy’abatarengeje imyaka 20 ko ndetse Ishyirahamwe ry’umupira w’amaguru muri Indonesia rigomba kwitegura ibihano rizafatirwa.
