Social Mula
FERWAFA yatumiye amakipe yo muri shampiyona y’ikiciro cya mbere n’icya kabiri mu Rwanda mu bagabo no mu bagore, mu nama kugira ngo baganire ku cyakorwa kugira ngo hakomeze kubahirizwa ingamba zo kwirinda coronavirus.
Imikino yose mu Rwanda ya shampiyona yarahagaritswe kubera ubwandu bwa coronavirus bukomeje kwiyongera kugeza igihe kitazwi, uretse ikipe y’igihugu yonyine yemerewe gukina.
Ibi byatumye Ishyirahamwe ry’Umupira w’Amaguru mu Rwanda, FERWAFA, ritumira ubuyobozi bw’amakipe kugira ngo higirwe hamwe iyubahirizwa ry’ingamba zashyizweho zo kwirinda coronavirus mu marushanwa itegura.
Iyi nama iteganyijwe kuba uyu munsi ku wa Kabiri, 04 Mutarama 2022, saa 16:00, igakorwa mu buryo bw’ikoranabuhanga nkuko ubutumire FERWAFA yatanze bubigaragaza.
Mu itangazo, FERWAFA yanditse ati: “Bayobozi, tunejejwe no kubandikira kugirango tubatumire mu nama yo kwigira hamwe ingamba zo kwirinda covid- 19 mugihe cy’amarushanwa ategurwa na FERWAFA.
“Inama iteganyijwe ejo tariki ya 04/01/2022 guhera i saa kumi (16H00).
Inama izaba mu buryo bw’ikoranabuhanga. Umurongo (link) izakoreshwa turayibagezaho mbere yuko inama itangira.”
Shampiyona y’ikiciro cya mbere yasubitswe hamaze gukinwa umunsi wa 11 wonyine wasize Kiyovu Sport iri ku mwanya wa mbere n’amanota 24 irushw APR FC iyikurikiye inota rimqe, mu gihe APR FC ifite imikino ibiri y’ibirarane.
