FERWAFA yahagaritse ibikorwa byari bimenyerewe gukorwa n’abafana ba Rayon Sports na APR

Ishyirahamwe ry’umupira w’amaguru mu Rwanda FERWAFA ryatangaje ko rihagaritse imiriro y’imikorano izwii nka fire works.

Ishyirahamwe ry’umupira w’amaguru mu Rwanda, Ferwafa ryamaze gufata umwanzuro wo guca ibishashi n’imiriro biturikirizwa kuri Stade zinyuranye mu Rwanda mu rwego rwo kwirinda ko byateza umutekano muke ku bibuga cyangwa se indi mpanuka.
Ibi bikubiye mu ibaruwa iri shyirahamwe ryandikiye amakipe yose ndetse n’izindi nzego bireba.
.

Muri iyi baruwa yo ku wa 14 Ukuboza 2022, bise iyo kubibutsa ibibujijwe mu rwego rw’umutekano (kuko n’ubundi asanzweho) harimo ko bibujijwe guturitsa ibishashi bitanga umuriro (artificial fire works & pyrotechnics).