THIERRY Mugiraneza
Ishyirahamwe ry’umupira w’amaguru mu Rwanda (FERWAFA)rigiye kubakira ibibuga uturere dutatu mu Rwanda mu rwego rwo kugeza ruhago mu gihugu hose ndetse no guteza imbere ruhago mu rubyiruko.
Hashize igihe, abaturage bamwe n’abamwe bataka ibura ry’ibibuga byo gukiniraho umupira w’amaguru mu nce batuyemo , ahanini bakavuga ko jibihari bidahagije cyangwa bitajanye n’igihe.
FERWAFA nk’urwego rureberera umupira nyarwanda, basa nkaho icyo kibazo bagiye kukibonera umuti.
FERWAFA ibinyujije kuri Twitter yatangaje ko yamaze gusinyana n’uturere amasezerano yo guhabwa ubutaka buzakoreshwa mu kubaka ibibuga by’ibikorano ( Artificial pitches).
FERWAFA yatangaje ko kwikubitiro izubaka ibibuga mu turere twa Rusizi , Gicumbi na Rutsiro , ibintu bizaba ari byiza kuko utwo turere tunagira amakipe akina umupira w’amaguru.
