HARAGIRIMANA Dieudonne
Nyuma y’amezi hafi atatu saison nshya itangiye,amakipe yatangiye gupanga indi saison,aho yatangiye gupanga abakinnyi bashya bo kugura.Umusore ukinira ikipe ya Dortmund,Julian Weigl w’imyaka 22 y’amavuko ni we amakipe menshi ku mugabane w’i Burayi akomeje kurwanira.
Nk’uko ikinyamakuru cyandikirwa muri Espanye Diario AS kibyemeza neza,Manchester City ndetse na FC Barcelone nizo zishaka cyane uyu musore zifata nka “Sergio Busquets w’ejo hazaza” kuko akiri muto kandi afite impano.
Uyu musore umaze imikino 5 yonyine avuye mu mvune akomeje kwitwara neza mw’ikipe ya Dortmund ku buryo uretse Barca na Man City,andi makipe nka Real madrid,Chelsea ndetse na Liverpool zatangiye kwifuza uyu musore ufite amahirwe make yo gukinira Dortmund saison itaha kubera ukuntu ari gushakishwa cyane.
