FC Barcelona iri mu byago bishobora ku yijyana mu cyiciro cya kabiri ikamburwa byose yavunikiye

Nk’uko ikinyamakuru Goal.com kibyandika, Fc Barcelona ishobora gufatirwa ibihano bikomeye ikajyanwa mu cyiciro cya kabiri cya shampiyona ya Espagne nyuma yo kuvugwaho kwishyura uwahoze ari umuyobozi wungirije w’abasifuzi Enriquez Negreira arenga miliyoni 1.39 £.

Iki kinyamakuru kivuga ko ibi byakozwe na Josep Maria Bartomeu wahoze ayobora FC Barcelona.

Ibi ngo byakozwe imyaka itatu (3) yikurikiranya, mu 2016, 2017 na 2018. Kugeza ubu Minisiteri Ishinzwe kurwanya ruswa muri Espagne yatangiye gukora iperereza kuri Enriquez Negreira wayoboye mu ishyirahamwe ry’umupira w’amaguru muri Espagne kuva mu 1994 kugeza muri 2018.

Goal.com ikomeza yandika ko Fc Barcelona uburyo yakoreshaga itanga iyi ruswa yishyuraga sosiyete yitwa DASNIL 95 y’uyu musifuzi, kandi ayo mafaranga yabaga adosabanutse.

Negreira n’umuhungu we bombi batanze ibimenyetso ku biro by’ubushinjacyaha, bombi bahakana ko Barcelona itigeze ishyigikirwa n’abasifuzi.

Uyu wahoze ari umuyobozi w’ungirije w’abasifuzi muri Espagne kandi akomeza avuga ko Negreir amafaranga yakuye muri Barcelona yari ay’akazi ku bujyanama kugira ngo afashe abakinnyi ba FC Barcelona kumva uko bitwara n’abasifuzi batandukanye.

Kugeza ubu ikipe ya FC Barcelona yamaze gushyira hanze itangazo ryayo rihakana ibi byaha ishinjwa. Iyi kipe iramutse ihamwe n’ibi byaha yahanishwa ibihano bikomeye birimo no kumanurwa mu cyiciro cya kabiri.