Essomba Onana uheruka guhabwa akayabo n’abafana ba Rayon Sports yahishuye umubare w’ibitego azinjiza mu izamu rya Rutsiro FC

Rutahizamu Mpuzamahanga ukomoka mu gihugu cya Cameroon, Essomba Leandre Willy Onana arifuza kuzatsinda Rutsiro FC ibitego birenga bibiri nyuma yo kubikora ku mukino batsinzemo Gasogi United ibitego bibiri kuri kimwe.

Ku wa Gatandatu tariki 25 Gashyantare 2023, ikipe ya Rutsiro FC izakira Rayon Sports mu mukino w’umunsi wa 21 wa shampiyona y’Icyiciro cya Mbere, uyu mukino ukazabera kuri Stade Mpuzamahanga y’i Rubavu.

Essomba Onana aheruka guhabwa amafaranga menshi n’abafana ba Rayon Sports yagiye i Rubavu afite intego yo kuzongera kwitwara neza ku buryo abafana ba Rayon Sports bazongera kumuhundagazaho amafaranga.

Ikipe ya Rayon Sports irahaguruka i Kigali kuri uyu wa Kane tariki 23 Gashyantare 2023, iyi kipe ikaba iri ku mwanya wa kabiri n’amanota 39 mu gihe Rutsiro FC itozwa na Okoko Godfroid iri ku mwanya wa 14 n’amanota 18.