Ese nk’uyu yageze muri Rayon gute? Umukinnyi w’ikipe ya Rayon Sports akomeje gutukwa na benshi nyuma yo gushyirwa mu kibuga agatanga ibitego 2

Ikipe ya Rayon Sports imerewe nabi nyuma yo gutsindwa n’ikipe ya Police FC irushwa cyane nubwo wabonaga ariyo ihabwa amahirwe mbere y’umukino.

Ni umukino wabaye kuwa gatandatu w’icyumweru gishize, uza kurangira Ikipe ya Rayon Sports inyagiwe ibitego 4-2 nubwo ku rupapuro ariyo yahabwaga amahirwe n’abenshi.

Muri uyu mukino hagaragaye mukinnyi w’ikipe ya Rayon Sports witwa Twagirumukiza Amani waje mu kibuga asimbuye ariko benshi banenga uko yitwa kandi yaraguzwe baziko azafasha cyane iyi kipe y’abafana benshi hano mu Rwanda.

Uyu muzamu yaje mu kibuga asimbuye Hakizimana Adolphe wavuyemo ubona ko asa nk’uwavunitse ariko uyu wamusimbuye yahise atsindwa ibitego 2 kandi ubona ko yari afite ubushobozi bwo kugira icyo akora ikipe ntigayike muri ubu buryo.

Ikipe ya Rayon Sports yagiye gukina uyu mukino havugwa ko imaze iminsi abakinnyi bayo ntamafaranga bahabwa ibintu benshi bemeza ko nabyo byatuma itsindwa muri ubu buryo kuko abakinnyi nibari bameze neza mu mutwe.