THIERRY Mugiraneza
Ikipe ya Arsenal yatsinze Aston Villa ibitego bine kuri bibiri mu mukino w’umunsi wa 24 wa shampiyona y’ikiciro cya mbere mu Bwongwereza( Premier League).
Arsenal yarimaze imikino itatu ya shampiyona idatsinda muri shampiyona ibintu byari byatumye abakunzi b’umupira w’amaguru bavuga ko ‘inzovu yahananutse’.
Saa munani n’igice kuri uyu wa Gatandatu, Aritet n’abasore be bari baje kongera kureba niba bari bwongere gutakaza.
Unai Emery utoza Aston Villa yari yaje kuri Villa Park yitwaje abakinnyi barimo Martinez, Cash, Konsa, Mings, Moreno; McGinn, Kamara, Luiz; Buendia, Coutinho na Watkins.
Aston Villa niyo yatangiye ikosora Arsenal ku munota wa gatanu gitsinzwe na Ollie Watkins ahawe umupira na Matty Cash nyuma y’uko Zinchenko yari atakaje umupira.
Arsenal yari yabanje mu kibuga Ramsdale; White, Saliba, Gabriel, Zinchenko; Xhaka, Jorginho; Saka, Odegaard, Trossard na Nketiah.
Arsenal nyuma yo gutsindwa igitego yakangutse maze ku munota wa 16 gitsinzwe na Bukayo Saka nyuma y’uko Mings yaragaruye umupira n’umutwe wari uhinduwe na Ben White.
Aston Villa yongeye gukosora Arsenal ku munota wa 31 ubwo Phillipe Coutinho yatsindaga igitego ku mupira waruhinduwe na Alex Moreno.
Igice cya mbere cyashojwe n’amahane yabaye hagati ya Douglas Luiz na Bukayo Saka byatumye bose bahabwa amakarita y’umuhondo.
Igice cya kabiri yatsinda cyatangiye Arsenal ishaka uburyo yatsinda igitego cya kabiri cyatuma yishyura maze ku munota wa 60 Alexander Zinchenko atsinda igitego ku mupira yarahawe na Martin Ødeggard ateye koroneli.
Arsenal yakomezaga kwataka ishaka uburyo yatsinda igitego cya gatatu yaje kriremereye Jorginho ukibona ku munota wa 93 ku ishoti yashoteye kure maze umuzamu Emiliano Martinez akishyiriramo n’umutwe.
Ku munota wa 97 Gabriel Martinell yatsinze igitego cya kane, umukino urangira ari ibitego bine kuri bibiri.
