THIERRY Mugiraneza
Umuhanzi ukomeye mu muziki wo muri Uganda ndetse no mu muziki wo muri Afurika y’Iburasirazuba, Edrisah Musuuza [Eddy Kenzo] uherutse guhatanira ibihembo bya Grammy yakiriwe n’imbaga y’abakunzi ba muzika muri Uganda ubwo yari akigera ku kibuga cy’indege abamurikira umudali wa zahabu yahawe nk’umuhanzi wahataniye ibi bihembo bifatwa nk’ibikomeye ku Isi.
Eddy Kenzo wanditse amateka akomeye yo kuba umuhanzi wa mbere ukorera umuziki we muri Uganda wahataniye ibihembo bya Grammy yatunguwe no kubona uburyo yakiriwe akigera i Kampala.
Eddy Kenzo waherukaga kwitabira ibirori by’indashyikirwa mu muziki w’Isi bizwi nka Grammy Awards byabereye i Los Angeles mu rukerere rwo ku itariki 06 uku kwezi. Kenzo wari waragiye guhatanira igihembo kubera indirimbo yitwa ‘ Gimme Love’s yakoranye na Matty B.
Eddy Kenzo wari wagarukanye umudari wa zahabu yakiriwe n’abantu benshi ubwo yavaga ku kibuga cy’indege cya Entebbe.
