Dore ubuzima umukinnyi ukomeye wahoze akinira ikipe ya APR Papy abayemo mu ikipe ye nshya

Umukinnyi ukomeye mu ikipe y’igihugu Amavubi, Sibomana Patrick uzwi nka Papy yasangije inshuti ze ifoto y’ibyishimo arimo nyuma yo kubonana n’umufasha we hamwe na Muhire Kevin wahoze akina muri Rayon Sport.

Mu minsi ishize nibwo ikipe ya Shakhtyor Soligorsk yo mu gihugu cya Belarus yaguze Papy imukuye muri APR FC, maze yerekezayo asize umugore we baherutse kurushingana.

Nyuma yaho, iyi kipe yahise igura Muhire Kevin nawe ahita yerekeza I burayi ajyanye n’umugore wa Papy kugira ngo bajye gutangira ubuzima bushya.

Kuri ubu, Sibomana Patrick Papy abinyujije ku mbuga nkoranyambaga ze yasangije inshuti ze amafoto agaragaza uburyo we n’umufasha hamwe na Muhire Kevin babayeho muri iki gihugu cya Belarus.