HARAGIRIMANA Dieudonne
Kuri uyu mugoroba wo kuwa 17 Ukwakira nibwo hari hategerejwe umuhango wo gushimira abakinnyi bakina umupira w’amaguru gusa umuhango nyamukuri ni ugutanga Ballon d’or.
Dore uko ibihembo bigiye bitangwa: Umufaransa Karim Benzema ukinira ikipe ya Real Madrid yo muri Espagne ni we wegukanye igihembo cya Ballon d’or cya 2022, akaba gitwaye umunya Senegal ukira Bayern Munich Sadio Mané n’Umubirigi Kevin De Bruyne ukinira ikipe ya Manchester City bari bayihanganiye.
Gavi ukinira ikipe ya Fc Barcelona niwe wahawe igihembo cy’umukinnyi mwiza w’umwana. Naho mu bagore uwitwa Putellas Alexia ukinira FC Barcelona na Espagne niwe wegukanye Ballon d’or.
Rutahizamu wa Bayern Munich, Sadio Mané, yahawe igihembo cyitiriwe Socrates kigenerwa umukinnyi wahize abandi mu gukora ibikorwa by’urukundo hanze y’ikibuga. Sadio Mane ahawe bwa mbere igihembo kizajya gihabwa umukinnyi wagaragaje ibikorwa by’urukundo.
Thibaut Courtois ukinira Real Madrid yabaye umunyezamu w’umwaka wa 2022, ahabwa igihembo cyitiriwe “Yashine”. Uyu Mubiligi ari no ku mwanya wa karindwi ku rutonde rw’abakinnyi beza.
Lewandowski niwe wahawe igihembo cya rutahizamu wa 2021-2022. Naho igihembo cy’ikipe yitwaye neza cyahawe ikipe ya Manchester City.
