Dore abakinnyi 3 b’abanyamahanga batahombeye abakoresha babo muri shampiyona y’umupira w’amaguru mu Rwanda

Muri shampiyona y’umupira w’amaguru mu Rwanda mu bagabo hari amakipe yaguze abanyamahanga, gusa abenshi bahombera abakoresha babo. Gusa Yegob twifuje kubagezaho abakinnyi 3 bakoze akazi bari bitezweho.

Christian-Theodor Yawanendji-Malipangou wo muri Repubulika ya Central African,  w’imyaka 20 mu ikipe ya Gasogi United  amaze kugira uruhare mu bitego 13 kuko yatsinze ibitego 7 anatanga imipira 6 ivamo ibitego.

Undi ni Ismail Nshimirimana ukomoka mu Burundi w’imyaka 23, ni umukinnyi ikipe Kiyovu Sports ishamikiyeho imikinire yayo muri iyi minsi.

Rutahizamu w’Umurundi Hussein Shabani Tshabalala w’imyaka 32 niwe uyoboye urutonde rw’abahiga abandi mu gutsinda ibitego byinshi muri uyu mwaka w’imikino kuko amaze gutsindira ikipe ye ya AS Kigali ibitego 12. Ibi bitego yatsinze ni 1/2 cy’ibitego byose AS Kigali yatsinze uyu mwaka w’imikino kuko byose hamwe ari 24.