HARAGIRIMANA Dieudonne
Ikintu kimwe gikomeye gituma izina rya we riguma kumenyekana cyane iyo uri umukinnyi wabaye icyamamare ni ukwitirirwa Stade ikajya mu mazina yawe.
Hari benshi amazina yabo yiswe amwe mu mastade, bamwe hari ababikorewe bakiri bazima abandi byakozwe bamaze gupfa.
Diego Maradona, uyu yakoze amateka yo kwitirirwa stade ebyiri imwe ni Estadio Diego Armando Maradona iherereye Buenos Aires muri Argentine, indi ikaba ari Estadio Diego Armando Maradona iherereye I Naples muri Italy.
Johan Cruyff, uyu nawe akaba yaritiriwe Stade ebyiri iya mbere ikaba ari Johan Cruyff Stadium iherereye I Amsterdam mu buhorandi, indi ikaba ari Johan Cruyff Stadium iherereye I Barcelona muri Espanye.
Stephen Keshi akaba yaritiriwe Stade ya Stephen Keshi stadium iherereye mu mujyi wa Asaba muri Nigeria.
Pele uyu munya-brazil akaba yaritiriwe Stade ya Estadio Rei Pele iherereye I Maceio muri Brazil.
Ferenc Puskas akaba yaritiriwe Stade ya Ferenc Puskas Stadium iherereye mu mujyi wa Budapest muri Hungary.
Fernando Torres, uyu yitiriwe Estadio Fernando Torres iherereye mu mujyi wa Fuenlabarda muri Espanye.
Giuseppe Meazza akaba yaritiriwe Estadio Giuseppe Meazza mu mujyi wa Milan muri Italy.
Garincha uyu yitiriwe stade ya Estadio Nacional Mané Garincha iherereye mu mujyi wa Brasilia mu gihugu cya Brazil.
Santiago Bernabeu uyu akaba yaritiriwe Stade yamenyekanye hafi ku isi hose, Santiago Bernabeu Stadium iherereye mu mujyi wa Madrid muri Espanye.
Ali Daei uyu akaba yaritiriwe Stade ya Ali Daei Stadium iherereye mu mujyi wa Arbadil muri Iran.
