M.Ben
Disi yari agiye atabonye imfura ye! Dj Dizzo wahawe iminsi 90 yo kubaho n’abaganga ariko Imana igakomeza kumwimana yavuze ko agiye kubyara ndetse anasubiza abibaza iherezo ry’ubuzima bwe.
Mutambuka Derrick [Dj Dizzo] yatangaje ko ari kwitegura kwibaruka umwana w’umuhungu.
Uyu musore yabitangaje kuri uyu wa Gatandatu tariki 5 Kanama 2023 mu gitaramo ‘Ally Soudy&Friends Show’ cyabereye muri Kigali Conference and Exhibition Village ahazwi nka Camp Kigali.
Ubwo yari muri iki gitaramo cya Ally Soudy, Dizzo yavuze ko abaganga bari bagaragaje ko azitaba Imana muri Mata 2022. Avuga ko kuva icyo gihe abantu bakomeje gutekereza ko azitaba Imana, baraheba.
Uyu musore avuga ko ari ishimwe rikomeye kuri we, kuba abashije kugeza iki gihe agihumeka umwuka w’abazima. Kandi muri uku kwezi kwa Kanama 2023 azizihiza isabukuru y’amavuko.
