HARAGIRIMANA Dieudonne
Umukunzi w’ibanga wa Diamond Platnumz yamutunguye amuha inkweto zihenze cyane.
Mu mashusho yasakaye Diamond aganira na Wasafi yavuze kuri izi nkweto akaba yanashyizwe ku rubuga rwa instagram rw’iki gitangazamakuru cye. Nk’uko bigaragara muri aya mashusho, Diamond akura izi nkweto ziba zifunze mu gakarito mu modoka ye maze abanyamakuru ba Wasafi bagatangira kumuhata ibibazo by’aho yazikuye n’ibindi.
Diamond yabasubije avuga ko ari impano yahawe n’umukunzi we mushya aho yagize ati: “Igikoresho cya orginali, iyo uguze Bottega ni uku ziba zimeze imbere. Umugore wanjye yazinguriye ahantu hanze ya Tanzania”.
Yakomeje agaragaza ko ari impano uyu mukunzi we mushya atatangaje yamugeneye ashimangira ko we atakwigurira inkweto zihenze nk’izi zihagaze miliyoni n’ibihumbi 200 Frw [1,231,919.99 Frw].
Hashize iminsi benshi bibaza uko Diamond ahagaze mu rukundo ndetse hagiye humvikana ibihuha ko yaba yarongeye kugirana umubano mwiza na Zari bafitanye abana 2 ndetse hari n’andi makuru yagiye avugwa ko yaba ari mu rukundo n’umuzungukazi w’umunyamideri.
