THIERRY Mugiraneza
Diamond Platnumz azasabana n’abakunzi be mbere yo kubakorera igitaramo “One People Live Concert” kizaba ku wa Gatanu tariki 23 Ukuboza 2022 mu nyubako y’imyidagaduro ya BK Arena.
Uyu munya-Tanzania wakunzwe mu ndirimbo zirimo ‘Kanyaga,Tetema n’izindi azahura n’abakunzi be mu byiswe “Meet and Greet” ku mugoroba wo kuri uyu wa Kane tariki 22 Ukuboza 2022 guhera saa moya z’umugoroba kuri Romantic Garden.
Uyu mugoroba wo guhura, kuganira no gusangira uzanasusurutswa n’aba Dj barimo Dj Pyfo, Dj Sonia, Dj Phil Peter, kandi uzaririmbamo umuhanzi Jay Pac.
Kwinjira muri ibi birori byo guhura no kuganira na Diamond birasaba kwishyura 10,000 Frw ku muntu umwe ndetse na 200,000 Frw ku meza y’abantu umunani, ugahabwa n’icyo kunywa.
Kwinjira mu gitaramo Diamond azakorera muri BK Arena kuwa 23 ni 30,000 Frw muri VVIP, 15,000 Frw muri VIP na 5,000 Frw ahasanzwe-Aha ni mu gihe uguze itike mbere y’umunsi w’igitaramo.
