M.Ben
Umuhanzikazi Zuchu na Diamond Platinmuz banditse amateka yo kurebwa cyane ku rubuga rwa YouTube mu gihe gito cyane mu ndirimbo abo bombi bahuriyemo.
Diamond Platinmuz na Zuchu bujuje miliyoni eshatu z’abantu barebye indirimbo yabo kuri YouTube banabigeraho mu munsi icyenda gusa. Abo hanzi bahise baca agahigo ko kurebwa cyane mu gihe gito mu Karere k’iburasirazuba.
Kugeza ubu Diamond Platinmuz na Zuchu nibo bamaze kurebwa n’abantu benshi mu gihe gito muri aka Karere k’iburasirazuba, ibintu byashimishije Zuchu cyane agaragaza amarangamutima ye.
Abinyujije ku rukuta rwe rwa Instagram, Zuchu yashyizeho ifoto yerekana ko barebwe cyane mu gihe gito ndetse arenzaho amagambo ashimira Diamond Platinmuz kuba yaramuhisemo ngo bakorane indirimbo.
Diamond Platinmuz yahisemo Zuchu bakorana indirimbo ‘bise Mtasubiri’, iyo ndirimbo ikaba iri kuri EP ya Diamond Platinmuz y’indirimbo 10 aherutse gusohora.
