HARAGIRIMANA Dieudonne
Pele, Mbappe na Vinicius mu bavuze ku butumwa bwa Ronaldo buteye agahinda
Nyuma yo gusezererwa mu gikombe cy’isi cy’uyu mwaka kiri kubera muri Qatar, Cristano Ronaldo yashyize ubutumwa hanze burimo agahinda bukora ku mitima ya bamwe mu bakomeye mu mupira w’amaguru ku isi, barimo na Muzehe Pele.
Ejo Saa kumi na 15 nibwo kizigenza Cristiano Ronaldo abinyujije ku rubuga rwe rwa Instagram rukurikirwa n’abarenga miliyoni 513, yashyize amarangamutima ye hanze nyuma y’uko Portugal isezerewe na Morocco iyitsinze igitego 1, mu mikino y’igikombe cy’isi.
Amwe mu magambo Cristiano yatangaje yagize ati”gutwarana igikombe cy’isi na Portugal byari intego z’inzozi zanjye. Kubw’amahirwe natwaye ibikombe byinshi mpuzamahanga birimo n’ibya Portugal, ariko gushyira izina ry’igihugu cyacu ku gasongero k’umupira w’amaguru ku isi byari inzozi zanjye”.
Mbappé yakoresheke Emoji imwe amuha ikamba, iya 2 iriho ibiganza bimushimira ndetse iya 3 yo iriho ikimenyetso kimugira umukinnyi w’igihanganjye w’ibihe byose. Kugeza ubu, ubutumwa bwa Mbappe bumaze gukundwa n’abantu barenga ibihumbi 600.
