HARAGIRIMANA Dieudonne
Umunya Porutigali ku myaka ye 32 Cristiano Ronaldo akomeje kugenda yubaka amateka bizagorana kongera gukuraho kuko ibigwi bye bigoranye kugirango hazagire undi muntu ugerageza kumwigana cyangwa kumufata, akaba ari nabwo mu ijoro ryo kuri icyi cyumweru ubwo ikipe ye ya Real Madrid yakinaga n’ikipe ya Real Betis yaje kongera kawndikisha utundi duhigo twe tubiri.
Uyu musore ubwo ikipe ya Real Madrid yatsindaga ikipe ya Real Betis ibitego 2-1, igitego cya Cristiano cy’umutwe cyaje cyishyura icyo bababanje cyatumye aba umukinnyi wa mbere watsinze ibitego byinshi muma champiyona yose atanu akomeye ku isi, aho yatsinze ibitego 367, akaba yaje kuri urwo rutonde akuraho abamubanjirije aribo Jimmy Greaves wakiniye Tothenham Hotspurs na Chelsea ufite ibitego 366, Gerd Müller, Delio Onnis na Alan Shearer , ndetse akaba yaranaciye kuri Messi ufite ibitego 335.
Akandi gahigo uyu musore yakoze nuko yabaye umukinnyi watsinze ibitego byinshi mu ikipe ya Real Madrid aho amaze kurenza ibitego 210 byose byatsinzwe na rutahizamu Raul Gonzales Blanco.
