Cristiano Ronaldo ashobora kwerekeza muri Chelsea mu kwezi kwa mbere

Rutahizamu wa Manchester United n’ikipe y’igihugu ya Portugal cristiano Ronaldo birashoboka cyane ko mu kwezi kwa mbere ya kwerekeza mu ikipe ya Chelsea.

Nyuma yaho umuherwe wa Chelsea Toddy boehly yifuje cristiano Ronaldo Ku isoko ryigura nigurisha ry’abakinnyi rihereka ryo mu kwezi kwa gatandatu uyu mwaka akabangamirwa na Thomas Tuchel watozaga Chelsea, kuri ubu yongeye kugaragaza ko yifuza Ronaldo mu kwezi kwa mbere.

Nk’uko tubikesha ikinyamakuru daily mail cyanditse ko igihe cyose mu kwezi kwa mbere hazagera cristiano Ronaldo atarabonerwa umwanya wo gukina muri Manchester United nta muntu n’umwe uzamwitambika kugusohoka muri United.

Kuri ubu umubano w’umutoza ten hag na cristiano Ronaldo ntabwo wifashe neza, nyuma yaho Ten Hag atari kubonera umwanya wo gukina uyu rutahizamu. Nubwo ibinyamakuru byinshi bikomeye bikomeje kwandika ko Ronaldo azasohoka i Manchester Ten Hag we yemeza ko yifuza kumugumana.

Ronaldo afite amasezerano muri Manchester United azarangira mu kwezi kwa 6 umwaka utaha wa 2023.