Cristiano Ronaldo ari mu mazi abira nyuma y’ibyo yakoreye umufana we

Rutahizamu wa Manchester United, Cristiano Ronaldo, agiye kuburanishwa na FA nyuma y’amashusho yagaraye ye ari kumena telefone y’umufana washakaga kumufotora.

Ibi byabaye muri Mata nyuma y’umukino Manchester United yatsindwagamo na Everton igitego kimwe ku busa.

Nyuma yo gukora aya mahano Polisi yaramuburiye nuko maze na we asaba imbabazi abinyujije ku mbuga nkoranyambaga ze zigiye zitandukanye.

Ati: “Ndashaka gusaba imbabazi kubera uburakari bwanjye, kandi niba bishoboka, ndashaka gutumira uyu mufana kureba umukino kuri Old Trafford nk’ikimenyetso cyo kwiyunga n’ubunyamwunga.”

Biteganyijwe ko hagiye kuba urubanza ngo bimenyekane niba Ronaldo yemera icyo kirego cyangwa atacyemera.

Uyu Rutahizamu nahamwa n’icyaha ashobora guhabwa ibihano birimo guhagarikwau imikino cyangwa kuburirwa.