Cristiano Ronaldo arangije gukora ibizamini by’ubuzima

Rutahizamu kabuhariwe Cristiano Ronaldo waraye asesekaye muri Saudi Arabia ,mu ijoro ryo kuri uyu wa mbere tariki 02 Mutarama 2023 ,amaze gukorerwa ibizamini by’ubuzima ,aho mu masaha macye arahita ajya kwerekwa abakunzi be.

Cristiano wasinye amasezerano y’imyaka 2 muri Al Nassr Fc kuri miliyoni 200 z’amadolari , ariyereka abakunzi be mu mwambaro w’iyi kipe kuri uyu wa kabiri tariki 03 Mutarama 2023 , mu muhango uri bubere muri sitade ya Mrsool Park iherereye i Riyadh mu mujyi wa Saudi Arabia.

Byari biteganijwe ko mbere yuko yitabira umuhango wo kumwereka abakunzi b’ikipe ya Al Nassr Fc abanza gukora ibizamini by’ubuzima ,akaba mu masaha aribwo asoje gukora ibi bizamini by’ubuzima ndetse akanagitsinda ,aho agiye guhita yerekeza muri sitade ya Mrsool Park.