Cristiano n’umuryango we biyeretse abafana uruvunganzoka ba Al Nassr Fc

Nyuma yuko akoze ikizamini cy’ubuzima akagitsinda ,akagirana ikiganiro n’itangazamakuru ,Cristiano Ronaldo amaze kwiyereka afana be bari benshi muri sitade ya Mrsool Park mu mujyi wa Saudi Arabia.

Ni abafana barenga ibihumbi 25 bari muri sitade ya MrSool Park , n’abandi barenga ibihumbi 70 bakurikiraga  uyu muhango imbona nkubone ku rubuga rwa youtube y’ikipe ya Al Nassr Fc , ndetse no ku mbuga nkoranyambaga zayo.

Cristiano Ronaldo wabonaga afite akanyamuneza , mbere y’uko agera muri sitade ngo yiyereke abakunzi be ,yabanje kunyura mu rwambariro asuhuza abakinnyi batandukanye bazakinana nawe muri iy’ikipe ,nyuma abona kwerekeza muri sitade imbere ahari abakunzi be ibihumbi 25.

Ubwo Cristiano yafataga ijambo yavuze ko yiteguye gukora ibishoboka byose agatanga ibyishimo ku bakunzi ba Al Nassr Fc , kandi ko ntakabuza bazabigeraho bakanateza imbere ruhago muri Saudi Arabia ,aboneraho n’umwanya wo kubashimira ababwira ko we n’umuryango we bishimiye uko bakiriwe.

Cristiano yari yateguriwe imipira y’amaguru yasinyagaho yarangiza akayitera mubafana bari muri sitade ,uwo uguyeho akajyana urwo rw’ibutso,

icyakora umupira wanyuma ,Cristiano ntiyigeze awutera mu bafana be ahubwo ,yawuhaye mu ntoki umwana w’umukobwa wari muri sitade .