Ikipe ya Liverpool nimwe mu makipe yavugwa ko ashakisha abakinnyi babiri bo mu Budage aribo Timo Werner ukinira ikipe ya RB Leipzig ndetse na Kai Havertz wa Bayer Leverkusen, gusa aba bombi nta numwe muribo izabasha kugura kuko ubu Werner ategerejwe mu ikipe ya Chelsea naho Kai we akaba ari hagati ya Bayern na Real. Umutoza wa Liverpool Jurgen Klopp akaba yatangajeko icyoreze cya CoronaVirus kiri mu byatumye Liverpool itabasha kuba yagura umwe muri aba bakinnyi byibuze.
Mu kiganiro yagiranye na sky Allemagne Klopp akaba yashimangiye ko Werner na Kai ari abakinnyi beza cyane gusa ko kuri ubu ikipe ya Liverpool itari kubasha kwinjiza amafaranga ahagije ku buryo yaba yabagura, akaba kandi yongeyeho ko kuba nta mufana numwe uzakandagira ku kibuga cya Liverpool igihe corona izaba igihari biri mu bituma ubukungu bw’iyi kipe butifashe neza muri iyi minsi.
