Chriss Eazy uyoboye abahanzi beza b’umwaka Inana ye nayo iyoboye indirimbo z’umwaka ihigitse izo bihanganye mu bihembo bya radiyo Kiss FM

Umuhanzi Chriss Eazy uri kubica bigacika muri muzika nyarwanda dore ko indirimbo ze zirebwa n’abatari bacye ku mbuga nkoranyambaga cyane kuri YouTube akomeje kwigarurira imitima y’abatari bake.

Uyu musore ukorera umuziki we muri Giti Business Group ihagarariwe na Junior Giti akaba ari nawe umireberera inyungu mu muziki we. Uku gutera imbere mu muziki we byatumye atoranywa mu guhatanira ibihembo bya Kiss Summer Awards bitegurwa na radiyo Kiss FM.

Uyu muhanzi Chriss Eazy niwe uyoboye abandi bahatanye mu byiciro bibiri aho ari uwa mbere mu cyiciro cy’umuhanzi ufite indirimbo nziza y’imwaka aho afite amajwi 140 abicyesha indirimbo ye ikunzwe yise ‘Inana’ ihanganye n’indirimbo zigiye zitandukanye nka Joli, Agatunda, Mi Casa na Muzadukumbura.

No mu cyiciro cy’umuhanzi w’umugabo ni we uyoboye, kuko afite amajwi 162 akaba ahanganye n’abahanzi bakomeye nka Juno Kizigenza, Christopher, Kenny Sol na Nel Ngabo.