Chelsea na Real Madrid mu nkundura yo kwegukana umukinnyi wa Newcastle United.

Chelsea na Real Madrid ziri mu nkundura yo guhanganira Bruno Guimarães Umunyabrazil ukina mu kibuga hagati mu ikipe ya Newcastle United.

Bruni Guimarães umusore w’imyaka 24 y’amavuko akomeje guhanganisha ikipe ya Chelsea na Real Madrid dore ko zose zimubonamo igisubizo mu kibuga hagati mu bihe bizaza.

Amakuru dukesha ikinyamakuru “Evening Standard”avugako nyuma yuko ikipe ya Chelsea ibonako itazakomezanya n’abakinnyi babo bakina mu kibuga hagati Mateo Kovasic na N’GOLO Kante yatangiye gutekereza uburyo yazasinyisha Guimarães imukuye muri Newcastle.
Kurundi ruhande ikipe ya Real Madrid nayo biciye ku mutoza wayo irifuza uyu musore ngo azaze afatanye n’abandi kuko ngo Modric na Toni Kross bagenda bagera mu myaka yo hejuru.

Nubwo izo kipe zose zimuhanganiye amakuru aremezako Chelsea ariyo ifite amahirwe menshi biturutse ku mubano mwiza w’umuyobozi wa Newcastle United bwana ClearLake na Toddy Boehly uyobora Chelsea.
Newcastle nayo irifuza kongerera umushahara Bruno ikazajya imuhemba ibihumbi Magana abiri by’Amapawundi (200,000£)ku cyumweru nubwo ashigaje amasezerano y’imyaka ine.

Bruno yari yageze mu ikipe ya Newcastle United mu kwa mbere imukuye muri Lyon ku mafaranga Miliyoni mirongo ine z’amapawundi.Kugeza ubu amaze gukinira Newcastle imikino 26 ayitsindira Ibitego birindwi(7).