Social Mula
Chelsea yegukanye igikombe cya Champions League giheruka izahura na Real Madrid yegukanye iki gikombe inshuro 13 zose muri ¼ kirangiza cya Champions League.
Mu mwaka w’imikino ushize, Chelsea yajyeze mu mikino ya ¼ kirangiza isezereye Lille ku bitego 4-1 mu mikino ibiri, yari yahuye na Real Madrid mu mikino ya ½ kirangiza iza kuyisezerera igera ku mukino wa nyuma itwara n’igikombe.
Real Madrid yo yageze hano isezereye Paris Saint-Germain ku bitego 3-2 mu mikino ibiri.
Mu yindi mikino izaba muri ¼, Manchester City ya Pep Guardiola izahura na Atlético Madrid, mu gihe Liverpool izahura na Benfica Lisbon.
Manchester City yageze hano isezereye Sporting CP, mu gihe Atlético Madrid yasezereye Manchester United nyuma yo kuyitsinda igitego 1-0 kuri Old Trafford mu mukino wabaye ku wa Kabiri, bikaba ibitego 2-1 mu mikino ibiri.
Villarreal yatunguye Juventus ikayitsinda ibitego 3-0 kuri Allianz Stadium igakomeza iyitsinze ibitego 4-1 mu mikino ibiri, izahura na FC Bayern Munchen yegukanye iki gikombe muri 2020.
Ikipe izakomeza hagati ya Manchester City na Atlético Madrid, n’izakomeza hagati ya Chelsea na Real Madrid zizahura muri ½ kirangiza.
Mu gihe, izakomeza hatati ya FC Bayern Munchen na Villarreal izahura n’izakomeza hagati ya Liverpool na Benfica Lisbon muri ½ kirangiza.
Imikino ibanza ya ¼ izakinwa tariki ya 5-6 Mata, mu gihe iyo kwishyura izakinwa tariki ya 12-13 Mata.
Ku rundi ruhande, imikino ibanza ya ½ kirangiza izakinwa tariki 26-27 Mata, iyo kwishyura ikinwe tariki ya 3-4 Gicurasi.
Umukino wa nyuma uzakinwa ku wa Gatandatu, 28 Gicurasi, ukinirwe kuri Stade de France, nyuma yo kwimurwa ukuwe mu Burusiya kubera ikibazo iki gihugu cyateje muri Ukraine.
Uko tombola zagenze muri rusange
