Social Mula
Chelsea ubu iri kurushwa amanota ane yose na Manchester City ku rutonde rw’agateganyo rwa shampiyona y’ikiciro cya mbere mu Bwongereza nyuma yo kunganya na Everton mu mukino wabereye kuri Stamford Bridge ku wa Kane.
Iyi kipe itozwa na Thomas Tuchel yarase uburyo bwinshi bubyara ibitego yananiwe gukomeza kotsa igitutu Manchester City nyuma yo kunganya na Everton igitego 1-1 mu mukino w’umunsi wa 17 wa shampiyona.
Nubwo itari ifite abakinnyi b’ingenzi cyane kuri uyu mukino, Everton yishyuye igitego yari yabanjwe na Chelsea nyuma y’iminota ine yonyine, aho yatsindiwe na Jarrad Branthwaite.
Mason Mount niwe wari wafunguye amazamu ku ruhande rwa Chelsea ku gitego cyiza cyane yatsinze ku mupira yahawe na Reece James.
Andi makuru: Kieran McKenna yavuye muri Manchester United yerekeza muri Ipswich Town
Chelsea yari yatsinze imikino 26 yose iheruka gukina na Everton kuri Stamford Bridge, ndetse yagaragaje urwego rwo hejuru cyane nyuma yo kwiharira umupira ku kigero cya 80%, ni ubwo itabashije kwegukana amanota atatu.
Abasore ba Thomas Tuchel ubu bahagaze ku mwanya wa Gatatu ku rutonde rwa shampiyona n’amanota 37, irushwa amanota ane na Manchester City ifite amanota 41 yose.
