Chelsea ikomeje kubura byose nk’ingata imennye!

Ikipe ya Chelsea ikomeje kubura byose nk’ingata imennye aho ikubitwa umusubirizo ndetse n’imvune z’abakinnyi bayo zikomeje kuba nyinshi ubutitsa.
Mu ijoro rya keye ikipe ya Chelsea yakubiswe na Fulham ibitego bibiri kuri kimwe mu mukino w’umunsi wa 19 wa premier league ibintu bukomeza kuba bibi ku rutindo rwi London.

Graham Potter utoza Chelsea yatangiye umukino nakanyamuneza kubera ko iyi kipe yaherukaga gusinyisha Joao Felix imukuye muri Atlético Madrid.
Mark Silva utoza Fulham yari yabanje mu kibuga abakinnyi nka Leno; Tete, Ream, Adarabioyo, Robinson; Reed, Palhinha; De Cordova-Reid, Andreas Pereira, Willian na Carlos Vinicius.
Fulham yariri ku kibuga cyayo Carven Cottage niyo yabanje kubona igitego cya mbere gitsinzwe na Willian wahoze muri Chelsea, Willian yatsinze igitego ku munota wa 25 ubwo yateraga umupira uremereye Chalobah akawukoraho akitsinda.

Graham Potter we utagifite ibisubizo byinshi yari yashoye abakinnyi nka Kepa; Azpilicueta, Koulibaly, Chalobah, Thiago Silva, Hall; Kovacic, Zakaria, Mount, Havertz na Joao Felix wakinaga umukino we wa mbere muri Premier league.
Chelsea nayo yabonye igitego cya mbere ku munota wa 48 gitsinzwe na Koulibaly cyishyuraga icyo yari yatsinzwe.

Chelsea yaje guhura nuruva gusenya ubwo ku munota wa 58 Joao Felix yahabwaga ikarita y’umutuku azira gukandagira umukinnyi wa Fulham. Fulham nayo yaje kubyaza amahirwe uko gukina Kwa Chelsea ari abakinnyi batuzuye maze ku munota wa 73 Carlos Vinicius abaterekamo igitego ahawe umupira na Andreas Pereira.
Umukino warangiye Chelsea itsinzwe ibitego bibiri kuri kimwe iba ibuze amanota atatu, ibona ikarita y’umutuku yahawe Felix ibintu bizamusibya imikino itatu kandi Chelsea yagize n’ibyago byo kuvunikisha Zakaria aba na we asanze abandi mu bitaro.kugeza ubu Chelsea iri ku mwanya wa 10 n’amanota 25 aho irushwa na Arsenal ya mbere amanota 19.