Mucyo Patience
Ku wa gatanu ushize tariki 14Nyakanga 2023, myugariro mpuzamahanga w`umufaransa Benjamin Mendy, yihariye impapuro zibanze z`ibinyamakuru hafi ya byose ku isi, nyuma yo kumara imyaka ibiri n`igice muri gereza, aho yari akurikiranweho icyaha cyo gufata abagore ku ngufu, muri iyi nkuru tugiye kubagezaho byinshi mutari muzi kuri uyu mugabo.
Benjamin Mendy ni umukinnyi mpuzamahanga w`umufaransa, ariko ufite inkomoko muri Afurika mu gihugu cya Senegal, yavutse tariki 17 Nyakanga 1994 avukira Longjumeau ho mu Bufaransa, afite uburebure bwa 1,86 cm, ni myugariro ukina yugarira ku ruhande rw`ibumoso, aho bakunze kwita kuri 3 akoresha akaguru k`ibumoso, se umubyara yitwa Benjamin Mendy Sr naho nyina umubyara yitwa Monique Mendy.
Byinshi utamenye kuri Benjamin Mendy, uherutse kuva mu irimbi ry`abazima(Gereza), aho benshi bari bazi ko atazagaruka mu isi ya ruhago, kuko yari amaze imyaka ibiri n`igice adaconga ruhago ahubwo yibereye hagati y`ibikuta bine.
1.Akiri umwana yari yarabaswe n`imikino ya Play station
Mendy akiri umwana yikundiraga gukina imikino ikunze gukinirwa kuri telephone zigezweho, ndetse na mudasobwa izwi nka play station, nkuko byigeze gutangazwa na nyina umubyara Monique Mendy, aho yagize ati “Mendy yahomye byinshi byo mu bwana bwe kubera kubatwa na play station kuri iyi mikino yari igitangaza”.
2.Yatumye Eric Di Meco yirahira kuzarya imbeba Mendy naramuka akiniye ikipe y`igihugu y`Abafaransa
Mu mukino wahuje ikipe ya Marseille na Lille tariki 20 Mata 2014, Benjamin yawukinanye igihunga maze bituma yitwara nabi, maze uwahoze ari umukinnyi mu ikipe ya Marseille, ku mwanya umwe nuwo Mendy akinaho Eric Di Meco, yirahira ko azarya imbeba, Benjamin Mendy naramuka akinnye umukino n`umwe, yambaye umwenda w`ikipe y`igihugu y`ubufaransa.
- Yigeze kuba myugariro wa mbere uguzwe amafaranga menshi ku isi
Tariki 24 Nyakanga 2017 ubwo Benjamin Mendy yagurwaga n`ikipe Manchester City, yo mu Bwongereza kuri mikiyoni 52 z`amayero, avuye mu ikpe ya As Monaco yabaye myugariro wambere, uguzwe amafaranga menshi mu mateka y`isi, ni agahigo kaje gukurwaho na Virgil Van Dijk,Kalidou Coulibary ndetse n`abandi.
4.Akunda umuziki kandi muri Monaco yari Dj
Benjamin Mendy akunda umuziki cyane, ku buryo agikina muri As Monaco yari umukinnyi ushinzwe gususurutsa, ndetse no gucurangira umuziki abandi bakinnyi mu rwambariro rw`iyi kipe.
5.Yigeze gutangaza ko adakeneye umukobwa bakundana mu gihe afite abakinnyi bakinana bahuje urugwiro
Ubwo yakiniraga ikipe ya Manchester City yigeze kunyarukira ku rubuga rwa Twitter, maze abaza abamukurikira kuri uru rubuga, ati “ni nde wakenera umukobwa bakundana, mugihe afite abakinnyi bakinana nk`aba”.
Tubibutse ko Benjamin Mendy aherutse gusinyira ikipe ya Lorient, amsezerano y`imyaka 2 ayikinira nyuma yo kuva mu gihome.
Yanditswe na MUCYO CYIZERE PATIENCE PATTO
