Philcollens
*Umukinnyi uhembwa menshi ku isi byatahuwe ko rusha Cristiano Ronaldo asaga £100,000 ku cyumweru
*Umukinnyi uhembwa menshi akomoka muri Argentine ariko ntabwo ari rurangiranwa Lionel Messi
Impapuro zashyizwe hanze n’ikinyamakuru ‘Football Leaks” Zigaragaza neza ko Ezequiel Lavezz wahoze akinira Paris Saint Germain (PSG)ahembwa umushahara wenda gukuba kabiri uwa Messi.
Ezequiel Lavezz yavuye muri PSG yerekera gukina muri Hebei china fortune mu Bushinwa  aho byavugwaga ko azajya ahembwa asaga £400,000 ku cyumweru
Nyamara ubu impapuro zashyizwe hanze zigaragaza ko uyu mugabo w’imyaka 31 ahembwa asaga £493,000 ku cyumweru ibintu bimugira umukinnyi uhembwa amafaranga menshi ku isi dore ko yenda gukuba incuro ebyiri Messi umaze gutwara Ballon d’or 5.
Messi ubusanzwe ahembwa asaga £270,000 ku cyumweru n’ukuvuga ko arushwa  £223,000 na Lavezzi bakinana mu ikipe y’igihugu ya Argentina naho Cristiano we mu kwezi gushize yongereye Contract mu ikipe ya Real Madrid ,aho afata £365,000 ku cyumweru ndetse mugenzi we bakinana Gareth Bale uherutse gusinya contact y’imyaka 5 ,amugwa mu ntege kuko nawe azajya ahembwa asaga £350,000 ku cyumweru uvanyeho umusoro.
