Byagenze bite ngo Hunter Nelson w’imyaka 21 abe umubyeyi w’umwana w’imyaka 15 ?

Biragoye ku byumva ariko kuri Hunter Nelson umukobwa  w’imyaka  21 ,wari utuye muri Leta Zunze Ubumwe za America mu leta ya North Carolina ,kuri ubu akaba atuye muri Leta ya Kentucky yisanze ari umubyeyi w’umwana w’imyaka 15.

Uyu mukobwa avuga ko atigeze abyara uyu mwana w’umukobwa ngo atwite cyangwa akore urugendo nk’urwabandi babyeyi bose gusa avuga ko yisanze ari umubyeyi kuri murumuna we witwa Gracie Nelson  bahuje nyina witabye Imana ubwo uyu mwana yari akiri muto.

Inkuru dukesha ikinyamakuru The New York Post ivuga ko Ise wa Gracie Nelson yitabye Imana mu kwezi kwa cyenda kwa 2015 ,mu gihe nyina wa Gracie yitabye Imana  muri Gicurasi 2021 bose ngo bakaba bari bazize ibiyobyabwenge , ibyasunikiye Hunter Nelson guhita afata inshingano zo kurera murumuna we utari ufite usigarana inshingano zo kumurera.

Nelson Hunter avuga ko afata Gracie Nelson nka murumuna we ariko ubundi akamufata nk’umwana we yirerera ,cyane ko mu muryango wo kwa mama wabo ntawari busigarane inshingano zo kurera murumuna we.