Epaphrodite Nsengimana
Umuhanzikazi Bwiza Emerance yaciye amarenga ko ubushiti bushobora gutuma arenga umurongo akaba yakundana na Juno Kizigenza.
Ubwo yari mu kiganiro The Choice Live dukesha aya makuru yavuze ko impamvu yasibye ifoto ye na Juno Kizigenza ubwo yateguzaga indirimbo Soja bafitanye, ni uko yabonye abantu bayisamiye hejuru cyane kandi atarashakaga kubitekerezaho kenshi.
Ubwo yabazwaga ku mubano afitanye na Juno ati‘‘Njye ntabwo nari nzi ko Juno nta mukunzi afite. Niko mba mbitekereza, nzabanza mubaze. Njye kuba nta mukunzi mfite ntabwo mbizi gusa ndenda kurenga umurongo kuva twahura, bisa nk’aho ari ntabyo.’’
Bwiza kandi yatunguye abantu nyuma yo kuvuga ko atazi niba Juno yarakundanye na Ariel Wayz n’ubwo bagiye baterana amagambo mu ndirimbo bashyize hanze mu minsi yashize
Bwiza yabajijwe niba gukundana na Juno Kizigenza byaba ari igihombo, maze asubiza agira ati ‘‘Igihombo cyaba ari ikihe ? Nta gihombo cyaba gihari. Inyungu nazimenya narugiyemo nawe. Yaba umuhungu uhuje n’ibyo wifuza. Ni umuhungu nakwishimira gukundana nawe. Ni inshuti yanjye, ni umusore uzi kuganira.
