Bwa mbere mu mateka Rayon Sports igiye gukinira kuri Stade ya APR FC iherereye i Shyorongi

Ikipe ya Intare FC ibarizwa muri shampiyona y’Icyiciro cya Kabiri izakira Rayon Sports mu mukino w’igikombe cy’Amahoro cya 2023.

Ku gicamunsi cy’ejo ku wa Kabiri tariki 28 Gashyantare 2023, ikipe ya Intare FC izakira Rayon Sports mu mukino ubanza w’igikombe cy’Amahoro.

Uyu mukino uzabera kuri Ikirenga Stadium iherereye i Shyorongi mu Ntara y’Amajyaruguru akaba ari naho ikipe ya APR FC isanzwe ikorera umwiherero ndetse n’imyitozo ya buri munsi.

Ikipe ya Rayon Sports irahabwa amahirwe menshi yo kuzatsinda uyu mukino bigendanye n’uko imaze iminsi itsinda amakipe muri shampiyona y’Icyiciro cya Mbere umwaka w’imikino wa 2022-2023.