Butera Knowless yashyinguye mu cyubahiro imibiri y’abo mu muryango we bishwe muri Jenoside – AMAFOTO

Umuhanzikazi Butera Knowless yashyinguye mu cyubahiro imibiri y’abantu 20 bo mu muryango we bishwe muri Jenoside yakorewe Abatutsi muri Mata 1994, mu Rwibutso rwa Jenoside rwa Nyamagumba mu Karere ka Rutsiro.

Butera Knowless wari uherekejwe n’umugabo we Ishimwe Clement na Nyinawabo ari nawe rukumbi uvukana na nyina warokotse, yashyinguye mu cyubahiro abagera kuri 20 bo mu muryango we bazize Jenoside.