Burya ugiye gupfa arabimenya koko: Umukozi mu kigo gitwara abantu yafashe amashusho y’urupfu rwe

Umukozi mu kigo cya sosiyete ya Rimbi Tours Bus ushinzwe gukata amatike y’abagenzi yafashe amashusho y’urupfu rwe mbere gato y’uko yitaba Imana azize impanuka yakoze.

Ni impanuka yabereye  mu gihugu cya Zimbabwe , mu mujyi mukuru Harare , mu muhanda mugari wa Nyamapanda  uherereye muri Bondamakara , ubwo imodoka ya sosiyete ya The Rimbi Tours Bus yari itwaye abagenzi yari ifite umuvuduko ishaka guca kuya sosiyete ya  Zebra Kiss bus yaguye mu ikamyo.

Mu mashusho y’imonota 2 n’amasegonda  53 yashyizwe ku rubuga rwa twitter agaragaza uwo mukozi ari gufata amashusho y’uburyo bashaka guca kuri iyo bus y’indi ariko ubona bagendera ku muvuduko mwinshi ,ibyaje gutera abaturage bari muri bus ubwoba bakabasaba kugabanya umuvuduko ariko abandi bagahitamo kubyanga.

Abaturage bakomeje kubasaba kugabanya umuvuduko abandi baranga bakomeza kwiruka bashaka guca kuri iyo bus ya sosiyete y’indi , icyakora kubw’amahirwe macye , iyo bus yaje kugera ahari ikamyo yari mu mukono wabo, ihita iyicaho ,ariko bitewe n’umuvuduko yayindi y’inyuma yari ifite yashatse kugabanya umuvuduko ngo nayo ice kuri icyo gikamyo biranga bituma bus igongesha uruhande rwariho wa mukozi ku gicamyo ahita yitaba Imana.

Ni impanuka yagendeyemo uwo mukozi ushinzwe gukata amatike muri Rimbi Tours mu gihe abandi bo bakomeretse bakaba bari kwitabwaho n’abaganga

Sad development. As conductor films his own death. pic.twitter.com/GgMjU5VfGZ

— OSKIDOBANOKO (@OskidoBanoko) January 18, 2023

source: satrucker