Burya ngo uhiriye munzu ntaho adapfunda imitwe:umutoza wa Rutsiro avuze amagambo akomeye nyuma yo gukina na APR FC

Umutoza wa Rutsiro FC nyuma yo gukubitwa umuba w’ibitego yaciye igikuba mu bantu nyuma yo gutangaza ikintu agiye gukora akaguma mu mitwe ya rubanda

Umutoza wa Rutsiro FC nyuma y’umukino banyagiwemo imvura y’ibitego 6-1 na APR FC, yemeje ko agiye kwihambira benshi bakumirwa.

Ku munsi w’ejo hashize tariki ya 4 Werurwe 2023, ikipe ya APR FC yakiriye ikipe ya Rutsiro FC iyinyagura ibitego 6-1 mu mukino w’umunsi wa 22 wa Shampiyona y’icyiciro cya mbere hano mu Rwanda sezo 2022/2023.

Wari umukino uryoshye mu buryo bw’abawureba bitewe n’ibitego byabonetse mu mukino ariko abakurikirana umupira w’amaguru bakemeza ko wari umukino w’ubusabane bagendeye kubitego ikipe ya APR FC yatsindaga, ibintu bitari bisanzwe mu mupira w’u Rwanda.

Nyuma y’uyu mukino abatoza bakoze ikiganiro n’itangazamakuru babazwa uko umukino bawubonye ariko benshi baterwa ubwoba n’iby’umutoza wa Rutsiro FC Okoko Godfrey yatangaje, avuga ko agiye guhatana cyane bagacungira ku mikino isigaye kugirango barebe ko baguma mu cyiciro cya mbere nubwo afite imikino ikomeye.

Ukurikije uko ikipe ya Rutsiro FC yari ihagaze mbere y’uyu mukino, hari hakiri amahirwe yo kuba baguma mu cyiciro cya mbere ariko nyuma yo gutsinda kwa Rwamagana City itsinda Sunrise FC ibitego 2-0 byahise bishyira mu mazi abira iyi kipe benshi batangira kwemeza ko nayo kumanuka bishoboka cyane.

Ikipe ya Rutsiro iri ku mwanya wa 14 n’amanota 18 mu mikino 22, ikurikirwa na Marines FC iri kumwanya wa 15 ifite amanota 16, kumwanya wa 16 ari nawo mwanya wanyuma hariho ikipe ya Espoir FC ifite amanota 11 iyi kipe yo mu Ntara y’Iburengerazuba mu Karere ka Rusizi ifite amahirwe menshi yo kumanuka mu cyiciro cya kabiri.

Hagati ya Rutsiro FC na Marines FC naho hashobora kuzavamo imwe ikurikira Espoir FC n’ubwo ahabwa amahirwe yo Ku manuka ntawatinya kuvuga ko na Rwamagana City ifite amanota 22 kumanuka bigishoboka cyane mu gihe kwitwara neza bidakomeje.