Aphrodis Nizeyimana
Burya koko agahinda ntikica ahubwo kagira mubi! Abagande baraye baririye mu myotsi nyuma yo kunyagira ikipe y’igihugu ya Niger ariko bikaga bikaba iby’ubusa.
Ikipe y’igihugu ya Uganda yaraye itsinze ikipe y’igihugu ya Niger ibitego 2-0 byashoboraga kuyihesha amahirwe yo kwerekeza mu mikino y’igikombe cy’Afurika ‘AFRICAN’ ariko Abakinnyi b’ikipe y’igihugu ya Tanzania bayibera ibamba banganya umukino bakinagamo na Algeria 0-0 bituma Abagande basigara basiganuza.
Uganda yari ifite amanota 4 n’umwenda w’igitego 1 mbere y’uko ijya mu kibuga gukina na Niger mu gihe ikipe y’igihugu ya Tanzania yari ifite amanota 7 n’umwenda w’ibitego 3.
Ibi byari bisobanuye neza ko igihe Uganda yatsinda Niger maze Tanzania igatsindwa na Algeria iyoboye itsinda Abagande bari guhita bakatisha itike iberekeza mu gikombe cy’Afurika kubera bari guhita banganya amanota na Tanzania ubundi bakareba ibitego ikipe zombi zizigamye.
Uganda yasezerewe mu itsinda iri ku mwanya wa 3 aho yarushwaga inota 1 na Tanzania yakatishije itike yo gukina imikino y’igikombe cy’Afurika kunshuro yayo ya 3.
