Burya Kim Jong Un afite ikipe afana mu bwongereza

Perezida w’igihugu cya Korea y’amajyaruguru Kim Jong Un, yahishuye ko ari umukunzi w’umupira w’amaguru kandi ko hari ikipe afana mu bwongereza.

Kim Jong-Un yabaye perezida wa Korea ya ruguru kuva se yakwitaba Imana mu 2011, ndetse azwi nk’umunyagitugu dore ko abanyagihugu be basa n’abafungiranye batisanga mu isi y’abandi nk’ibindi bihugu.

Mu 2014, Antonio Razzi wahoze ari senateri mu Butariyani yabwiye ikinyamakuru The Sun ko mu biganiro byihariye yagiranye na Kim Jong-Un, we ubwe yamubwiye ko ari umufana w’ikipe ya Manchester United yo mu Bwongereza.

Iyi kipe ikunzwe cyane n’abantu benshi ku isi, kuri ubu ntago ari kwitwara neza dore ko iherutse kunganya imikino ibiri iheruka harimo umukino wa Watford muri shampiyona y’ubwongereza hakaza n’umukino wa champions league yanganyije na Arletico Madrid.