Burya Anita Pendo yakoze udushya twinshi dutangaje mu bwana bwe

Umushyushya rugamba akaba n’umunyamakuru wa radio ya magic fm Anita Pendo uzwiho kugira udushya twinshi mu buzima bwe ngo burya mu bwana nibwo yakoze udushya twinshi kandi dutangaje.

Anita Pendo na bagenzi be basohotse ikigo bigagamo cyari hafi y’umupaka wa kagitumba baza i Kigali nta muyobozi ubizi baje mu birori kandi nta tike bafite ibasubizayo bahageze basanga ibirori ntibyabaye biba ikibazo gusa birangira basubiye ku kigo baza guhabwa icyumweru cyose batajya ku ishuri ndetse babatuma n’ababyeyi.

Ibi byari byoroshye kuri Anita Pendo mu dushya yakoze mu bwana bwe dore ko baje kugaruka i Kigali bazanywe n’umusirikare ukomeye cyane wari wabakodesheje ngo baze ku mubyinira mu bukwe dore ko ngo bari bazi kubyina cyane maze bazana n’umuyobozi mukuru w’ikigo cyabo bahageze bajya mu rupangu runini cyane rw’uwo musirikare barangije bacunga afande na deregiteri wabo baryamye basohoka urupangu bajya mu kabyiniro kandi nta myaka bari bafite yo kujya mu kabyiniro ikindi cyari gikomeye kurusha ibindi nuko ntayindi myenda bari bafite cyereka iyi shuri gusa.

Ariko ngo bari bambaye umupira hejuru ariko amajipo ari ay’ishuri maze bataha saa kumi n’imwe za mugitondo bageze ku rupangu basanga afande n’abandi bamurinda bahagaze ku rupangu gusa deregiteri yanze ko baba kubita kubera ko ubukwe bwari muri iyo minsi bwegereje kuba gusa ubukwe burangiye basubiye kagitumba ngo barakubiswe ku buryo bamaze iminsi batabasha kwicara.

Anita Pendo yiga mu mwaka wa kabiri wa mashuri yi sumbuye (secondary) avuga ko yariye uru mogi mu bugari maze asiba ishuri dore ko yahareye saa sita ageza saa tatu z’ijoro akiryamye kandi yari gusubira ku ishuri saa munani urwo rumogi yarugaburiwe n’umuhungu waho yabaga kubera uburyo bamwiyemeyeho ngo ntago banywa uru mogi maze nawe arubatekera mu biryo birangira basibye ishuri.

Anita Pendo avuga uburyo mu mwaka wa 2015 ku munsi w’isabukuru ye y’amavuko yanyweye inzoga bwa mbere azinyweshejwe n’abagenzi be maze arasinda ndetse bateza n’akavuyo ku buryo bari no kubifungirwa.

Ibi nibyo bintu Anita Pendo yakoze mu bwana bwe.